Plantun de Prouvènço

Pèr coumpara dos planto d'encò nostre

Helianthemum apenninum & Minuartia capillacea

Helianthemum apenninum

Cistaceae

Noms en français : Hélianthème des Apennins, Hélianthème blanc.

Descripcioun :
Aquesto massugueto que trachis dins la garrigo fai de poulìdi flour blanco à la primo. Li fueio, cendrouso, soun cuberto de péu estela. La massugueto-di-sepalo-vióuleto ié sèmblo proun, mai èi pu pichoto dins tóuti si partido. La massugueto-blanco a de petalo > 10 mm e de sepalo > 6,5 mm (à la flouresoun) e lis estipulo fan de 7 à 10 mm. Coumpara emé la massugueto-di-sepalo-vióuleto que ié sèmblo proun.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenol).

Port : Pichoto planto lignouso
Taio : 5 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1800 m
Aparado : Noun

Liò : Garrigo - Tepiero seco
Estànci : Termoumediterran à Mountagnard
Couroulougi : Pancaro entresigna
Ref. sc. : Helianthemum apenninum (L.) Mill., 1768

Lineto(-di-fueio-primo)

Minuartia capillacea

Caryophyllaceae

Noms en français : Minuartie à feuilles capillaires, Sabline capillaire.

Descripcioun :
Poulido lineto dóu gènre Minuartia que trachis sus li roucas de mountagno auto o mejano. Se recounèis à si gràndi flour, si fueio primo e redo e peréu qu'èi pegouso d'en pertout (cambo e flour glandoulouso). Fai pas de gròssi mato. Coumpara emé la lineto-di-fueio-de-mèle que ié sèmblo, mai que trachis sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 20(30) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 16 à 18 mm
Flourido : Printèms - Estiéu

Sòu : Ca
Autour basso e auto : 600 à 2200 m
Aparado : Noun
Jun à avoust

Liò : Roucas - Tepiero roucaiouso
Estànci : Subremediterran à Subaupen
Couroulougi : Ouroufito-Cèntre-Éuroupenco
Ref. sc. : Minuartia capillacea (All.) Graebn., 1918

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Helianthemum apenninum & Minuartia capillacea

ges

Coumpara Massugueto(-blanco) emé uno autro planto

Coumpara Lineto(-di-fueio-primo) emé uno autro planto